भारतरत्न डॉ. बाबासाहेब आंबेडकर यांच्या जयंतीनिमित्त सलग अठरा तास वाचन व अभ्यास उपक्रम

पुणे जिल्हा शिक्षण मंडळाच्या अण्णासाहेब मगर महाविद्यालयात भारतरत्न डॉ. बाबासाहेब आंबेडकर यांच्या १३५ व्या जयंतीनिमित्त सलग अठरा तास वाचन व अभ्यास उपक्रम या उपक्रमाचे १३ ते १४ एप्रिल २०२६ रोजी आयोजन करण्यात आले होते. यावेळी भारतरत्न डॉ. बाबासाहेब आंबेडकर यांच्या प्रतिमेला महाविद्यालयाचे प्राचार्य व सावित्रीबाई फुले पुणे विद्यापीठ व्यवस्थापन परिषद सदस्य डॉ. नितीन घोरपडे यांच्या हस्ते पुष्पहार अर्पण करून अभिवादन करण्यात आले.

प्राचार्य डॉ. नितीन घोरपडे यांनी भारतरत्न डॉ. बाबासाहेब आंबेडकर यांनी अर्थशास्त्र, राजकारण, समाजशास्त्र, कायदा, आणि धर्म यांसारख्या विविध विषयांचा सखोल अभ्यास केला. ते आठरा तास अभ्यास करायचे. त्यांच्या अभ्यासू वृत्ती आणि व्यासंगाचा आदर्श विद्यार्थ्यांनी घ्यावा. असे सांगितले. यावेळी जितीन गावित, दिशा नगरे, सुप्रिया पोळ, सृष्टी मोरे, विद्या रांजणे, देविका देडे या विद्यार्थ्यांनी मनोगत व्यक्त केले. या प्रसंगी महाविद्यालयाचे उपप्राचार्य डॉ. प्रशांत मुळे, डॉ. शुभांगी औटी, डॉ. विलास मोरे, डॉ. दत्तात्रय संकपाळ, प्रा. अनिल देवकाते आदी उपस्थित होते. कार्यक्रमाचे सूत्रसंचालन प्रा. वंदना सोनवले यांनी केले तर आभार डॉ. दत्तात्रय संकपाळ यांनी मानले.

या उपक्रमाचा समारोप १४ एप्रिल २०२६ रोजी सकाळी सहा वाजता करण्यात आला. यावेळी प्रवीण भवर, डॉ. वंदना सोनवले, प्रा. स्नेहल शिपलकर, प्रा. सुरज काळे, प्रा. सुनील भोपे, अक्षय कोकरे, डॉ. दत्तात्रय संकपाळ यांनी मनोगते व्यक्त केली.

प्रवीण भवर यांनी या उपक्रमामुळे मला डॉ. बाबासाहेब आंबेडकरांनी दिलेल्या “शिका, संघटित व्हा, संघर्ष करा” या संदेशाचा अर्थ कळला. प्रा. सुनील भोपे यांनी आतापर्यंत डॉ. बाबासाहेब आंबेडकरांची जयंती नाचून साजरी करायचो आज मी ती वाचून साजरी केली, अशी भावना व्यक्त केली. डॉ. वंदना सोनवले यांनी न्याय, स्वातंत्र्य आणि समतेसाठी आयुष्य अर्पण करणाऱ्या महामानवाची खऱ्या अर्थाने जयंती साजरी झाल्याची भावना व्यक्त केली.

यामध्ये संध्याकाळी पाच वाजता व रात्री साडेदहा वाजता विद्यार्थ्यांचं ब्रह्मकुमारी यांच्या वतीने मेडिटेशन घेण्यात आले.

प्राचार्य डॉ. नितीन घोरपडे यांनी महापुरुषांची जयंती विधायक मार्गाने साजरी केल्यास विद्यार्थ्यांचा त्यास चांगला प्रतिसाद मिळतो. अशा उपक्रमातून विद्यार्थ्यांना प्रेरणा मिळते. असे सांगितले.

या उपक्रमात ५१ विद्यार्थी व शिक्षक सहभागी झाले.

कार्यक्रमाचे सूत्रसंचालन प्रा. अर्चना श्रीचिप्पा यांनी तर आभार डॉ प्रशांत मुळे यांनी मानले.