महाविद्यालयात ऑनलाइन कृत्रिम बुद्धिमत्ता(एआय) प्रशिक्षण

पुणे जिल्हा शिक्षण मंडळाचे अण्णासाहेब मगर महाविद्यालय, अप एज्युकेटर्स व गूगल फॉर एज्युकेशन बेंगलोर, गूगल जेमिनी सर्टिफिकेशन यांच्या संयुक्त विद्यमाने उच्च शिक्षण संस्थांतील अध्यापकांसाठी ऑनलाइन कृत्रिम बुद्धिमत्ता(एआय) प्रशिक्षण आयोजित करण्यात आले होते. महाविद्यालयाचे प्राचार्य व सावित्रीबाई फुले पुणे विद्यापीठ व्यवस्थापन परिषद सदस्य डॉ. नितीन घोरपडे यांनी प्रास्ताविक केले.

या कार्यशाळेत उच्च शिक्षणातील एआयचा परिचय, प्रभावी एआय प्रॉम्प्टिंगसाठी पार्ट्स फ्रेमवर्क, एआयचा नैतिक आणि सुरक्षित वापर, सखोल संशोधन आणि अंतर्दृष्टीसाठी एआय अभ्यासक्रम, संरेखित एआय संसाधने तयार करणे, सिम्युलेशन, सॉफ्टवेअर प्रोटोटाइप आणि सानुकूलित एआय बॉट्स तयार करणे या विषयी आरथे कुमारन यांनी मार्गदर्शन केले.

नवीन शैक्षणिक धोरणात ऑनलाइन शिक्षणाचा समावेश करण्यात आला असून ऑनलाइन शिक्षणात एआय अर्थात कृत्रिम बुद्धिमत्तेचे सहाय्य घेतल्यास ते अधिक प्रभावी करता येईल. असे मत महाविद्यालयाचे प्राचार्य व सावित्रीबाई फुले पुणे विद्यापीठ व्यवस्थापन परिषद सदस्य डॉ. नितीन घोरपडे यांनी व्यक्त केले.

या कार्यशाळेत १४५ प्राध्यापकांनी सहभाग घेतला.

सूत्रसंचालन आय.क्यू.ए.सी. समन्वयक डॉ. लतेश निकम यांनी केले तर डॉ. प्रशांत मुळे यांनी आभार मानले.